وصفة لحلوى القريوش اللذيذ اقتصادية وناجحة (وصفة حلوى القريوش لعيد 2020 )
وصفة لحلوى القريوش اللذيذ اقتصادية وناجحة (وصفة حلوى القريوش لعيد 2020 )
المقادير :
ملاحظة :الكيلة المستعملة هي كاس نتاع 250مل
- 3كيلات فرينة
- نصف كيلة نشاء
- نصف كيلة سمن ذايب وبارد
- صفار بيضة
- رشة ملح،فاني ،م ص خميرة الحلوى
- ماء+ماء الزهر
- عسل وجلجلانية للتزيين
طريقة التحضير :
نحط الفرينة مع النشاء ورشة ملح والفاني والخميرة والسمن الذايب والبارد ونفرك جيدا باليد ثم نضيف صفار البيضة ونفرك ومن الاحسن نسير الخليط في السيار هكذا نتاكدو ان ماكانش تكتلات وبعدها نلمها بالماء وماء الزهر حتى نتحصل على عجينة متماسكة نشكلها كويرات ونغطيها ونخليها ترتاح ناخذ كويرة نبسطها بالحلال ونرققها في الماشينة حتى الرقم ما قبل الاخير ومرة على مرة نرش شوية فقط من النشاء نطبقها كيما نعملو في العجينة المورقة ونعاود نفوتها في الماشينة ونكرر نفس العملية وهذا لي يخلي القريوش مورق ويذوب في الفم بعد ما نرققها نقطع بالجرارة مستطيلات كبار انا عملت العرض12سم ونقطع 24 خط بالجرارة ما تخلعوش بعدها نحسب4 خطوط ونطبق ونكمل نحسب 4 خطوط ونطبق حتى نكمل ونتحصل على هذا الشكل نفتحها شوية في المنتصف ونقلب من الجهة العلوية فقط هذي الطريقة الاولى اما الطريقة الثانية نطبق المستطيل على اثنان ثم نعاود نطبقو على اثنان ونعاود مرة ثالثة حتى نتحصل على الشكل السابق ونشكلو بنفس الخطوات وكل ما نشكل حبة نغطيها حتى نكمل العجينة بعدها نقليهم في زيت يكون سخون مليح والنار ناقصة ونقلي بالحبة وكل مانحط حبة نرمي عليها الزيت بالملعقة باه تتنفخ بعدها نحطهم يقطرو ويبردو ثم نعسلهم في عسل مسخن مع شوية ماء الزهر لازم يكون ثقيل شوية باه القريوش يبقى مقرمش ونزين بالجلجلانية محمصة .شهية طيبة للجميع .
ليست هناك تعليقات:
إرسال تعليق