تارت بالتمر سهلة التحضير واقتصادية (حلويات اقتصادية لعيد 2020 )
المقادير:
- كاس حليب
- كاس غرس(تمر) أو حوالي 200غ
- ملعقة صغيرة بيكاربونات
و للخليط الثاني :
- 3بيضات
- أقل من نصف كاس سكرعادي
- ربع كاس زيت
- كاس ونصف فرينة
- باكي خميرة
- قرفة أو فاني او الإثنين
طريقة التحضير :
حطي كاس حليب مع كاس غرس (تمر) مرحي على النار و خلطي حتى يذوب التمر نحيهم من على النار و زيديلهم ملعقة صغيرة مش معمرة بزاف بيكاربونات الصودا راح يولي الخليط كيما الرغوة خليهم على جهة يبردو شوية و روحي للخليط الثاني 3بيضات تضربيهم مع أقل بقليل من نصف الكاس سكر عادي و شوية لفاني أو قرفة كيما تحبي ضربي مليح كيما كي ديري موسكوتشو حتى يبياض الخليط و زيديلهم ربع كاس زيت و خلطي مليح و زيدي كاس و نصف كاس فرينة مخلطة مع باكي خميرة بكميات صغيرة و في الأخير زيديلهم الخليط الأول تاع الحليب و التمر....يجيك خليط كيما تاع الجينواز وكاين اللي يزيدلها شوية جوز مدشش تجي اكيد اروع طيبيه على 170 درجة أو كيما موالفة طيبي المسكوتشو تاعك و كي تطيب زينيها كيما تحبي بوردات من الشانتيي أو حبات جوز او مكسرات أو بقطع تمرأو فقط سكر قلاسي.
شهية طيبة .
ليست هناك تعليقات:
إرسال تعليق