طريقة تحضير غراتان الشوفلور اللذيذة والسهلة (وصفة ناجحة واقتصادية )
المقادير :
شوفلور مغلي في الماء والملح
بطاطا مقطعة دوائر ومقليية
لحم مرحي على حساب الكمية اللي غادي نديروها
2حبات طماطم مرحية
مغرف كبيرة طماطم مصبرة
مغرف صغيرة هريسة
نصف حبة بصل مقطعة رقيق
فلفل اسود
ملح
4 حبات بيض
فرماج حسب الاستطاعة
طريقة التحضير :
نهرس شوي الشوفلور ونحمرو في المقلى مع قليل من الزيت انا ضفتلو غير شوي بيض باش يتحمر ويجي بنين ومن بعد نضع في مقلى اخرى البصل وشوي زي نقليه شوي ونضيف اللحم مرحي والفلفل السود والملح ونقليه مليح كي يتقلى نضبف الطماطم مرحية ونخلط ومن بعد نضيف للطماطم المصبرة مع الهريسة نضيفلهم شوي ماء ونحلهم مليح ونضيفهم للحم ونخلي الصوص تطيب كي توجد نخليهاتبرد شوي ونروح نود المول اللي يدخل للفور نستف البطاطا ومن بعد نضيف شوي من اللحم مع الصوص ومن بعد نضيف الشوفلور اللي قليناه ونعاود نكرر العملية وفي النهاية نضرب البيض مع حبات الفرماج مليح ونضيفهم من فوق الغراتان وندخل البلا في الفور اللي يكون مسخن من قبل ونخليها حتى ينشف البيض ماتديش الوقت بزاف باسكو كل شيء طاي.
شهية طيبة.
ليست هناك تعليقات:
إرسال تعليق