تحضير مرقة السباقيتي على الطريقة الجزائرية 2020 (وصفة مرقة السباقيتي سهلة وناجحة )
المقادير :
- لحم خروف او دجاج
- حبة بصلة متوسطة مرابية
- 4 سنينات ثوم مرابيين
- دبشة مقطعة رقيقة
- حبة طماطم مرابية
- 2مغارف كبار معمرين طماطم مصبرة
- هريسة(اختياري)
التوابل:
- قسبر مرحي
- ملح
- فلفل اسود
- فلفل حار
- زيت
طريقة التحضير :
بعدما نغسل اللحم نحطو في برمة ونلوح عليه البصلة الثوم الطماطم دبشة شوي زيت والتوابل لي ذكرتها نحط البرمة على نار ضئيلة ونخليها تتقلى مليح نمرقها ونخليها تطيب كي نشوف اللحم طاب نصفي المرقة تاعي وامبعد نديرلها طماطم مصبرة وقرن فلفل حار ونخليها تغلي شوي في هذاك الوقت نكون قطعت السباقيتي تاعي على 2 ولا 4 ونغليه مع ورقة رند وسنة ثوم وملح غير 5دقايق برك نصفيه ونلوحو في المرقة ونخليه يكمل طيابو في لاخير نقدمو مع رشة دبشة.
شهية طيبة.
ليست هناك تعليقات:
إرسال تعليق