طريقة تحضير قاطو الفلسطينية الذيذ والناجح (حلويات اقتصادية للعيد 2020 )
المقادير :
- 250غ زبدة
- عصير نِصْف حبة ليمون
- قشور اليمون
- 4 مغارف كبار سكر رطب
- 2مغارف كبار ماء الزهر
- نصف باكي خميرة الحلويات
- فرينة
للحشوة :
غرس (تمر) طري معجون ب العسل والخميرة والسمن الكل بكميات قليلة ونعجنه مليح بالماء لازم يرجع طري ما بين صباعك .للتزيين :
- سكر رطب
طريقة التحضير :
تخدمي الزبدة مليح بيدك ترجع مثل لكريمة ثم اضيفي السكر وخلطي مليح ثم قشور الليمون والعصير وماء الزهر والخميرة ونشفي بالفرينة لميها مليح نغطيها وخليها ترتاح نصف ساعة ثم اطرحيها واطبعي بكأس نتاع اتاي باه يجيك الحجم سْوا سْوا خذي القليل من الغرس(تمر) نتاعك وإطرائه على الأقراص بلا ما توصلي للجوانب ثم غطي بقرص واحد آخر واضغطي على الجوانب بِإِصبعك وخذي كاس نتاع اتاي واحد آخر يكون اقل بشوية من الكأس الاول واطبعي مرة اخرى فوق القرص المحشي بالغرس(تمر) وحاولي انك تعدلي بإصبعك الدائرة خذي ابرة واثقبيهم بيها وهاذا سر باه يجيك الغرس(تمر) طري وما جيكش الحبة منفوخة لاني مرة جربتو بمول السيليكون صح جاء بنين وخفيف لكن الحبة من الداخل جاتني فارغة يعني هاذي احسن طريقة طيبتهم بدرجة 180 ثم مباشرة في سكر رطب يكون مغربل من قبل سايسيهم باه ما يتكسرولكش حطيهم في بلاطو وزيدي ذرذري عليه السكر بواسطة الصفاية او سيار الرطب وخليهم حتى للغد ولميهم.شهية طيبة .
ليست هناك تعليقات:
إرسال تعليق