رولي الشوفلور يهبل وسهل التحضير 2020 (وصفة رولي الشوفلور ناجحة ومضمونة )
المقادير :
- راس شوفلور صغير
- بيض
- فرينة
- ملح
- فلفل اسود
- كمون
- قرفة
- معدنوس
- حمص
- لحم مرحي
- جبن
- طرف دجاج او لحم
طريقة التحضير :
نفور الشوفلور نمرسوا بالفرشيطة نضيفلوا ملح وفلفل اسود وكمون وبيض ح(حسب كمية الشوقلور) معدنوس وفرماج وزوج مغارف فرينة وبصلة صغيرة مرابية نخلط الكل مليح ونحطها على ورق طبخ ونمشيها مثل الجنواز نشعل الفرن على 180 درجة من فوق وتحت ونحط الصينية في الوسط ونخليه يطيب حتى يحمارمن جهة اخرى نحضر اللحم مرحي نقليه في زيت مع ملح وفلفل اسود
من جهة اخرى نضع في طنجرة بصل رابي وحمص وطراف دجاج او لحم المهم الموجود والملح والفلفل الاسود والقرفة وراس الحانوت وزيت ونقلي مليح ونمرق
نخرجوا الشوفلور من الفرن نمشوا فوقه اللحم مرحي والجبن وكل واحدة دير اضافاتها ونروليه كما الرولي غير بالعقل ونلفوه في ورق الطبخ ونخلوه يحكم روحوا
نحضروا كريمة الجبن بقطع جبن ومغارف حليب ونخلطوا فوق النار حتى ترجع كريمة ونفرغوها على الرولي وندخلوها الفرن حتى تصفار في اللون ونخرجوه نقطعوها ونقدموه .
شهية طيبة .
ليست هناك تعليقات:
إرسال تعليق