وصفة البرانية بالباذنجال لذيذة وناجحة واقتصادية (طبق البرانية بالباذنجال لرمضان 2020 )
المقادير :
- حبات بادنجان
- لحم الدجاج
- حمص منفخ
- حبة بصل
- فصين ثوم
- ملح
- فلفل اسود
- عود قرفة
- كروية
- زعفران
- حبات بطاطا
طريقة التحضير :
- في طنجرة ولا الكوكوطة ديري 2 مغارف كبار زيت بصل مقطع شرائح اللحم الحمص ملح و التوابل نقلي على نار هادية مع التحريك ومن بعد نمرق قيس ما يتغطى اللحم نغلق الكوكوطة و نخلي المرقة أو الصلصة تطيب على نار متوسطة
- نروحو الآن للبادنجال نغسله مليح و نقطعه شرائح تقدري تنزعي منه القشرة بالتناوب قبل ما تقطيعه نديره في إناء عميق فيه الماء و الملح هاذ المرحلة مهمة باش ما يشربش الزيت بزاف أثناء القلي و خليه حتى لوقت الاستعمال
- مين تنحي الرؤوس تاع البادنجال تقدري تنحيلهم هذيك القشرة الخضراء بالموس و تديريهم يطيبو فالصلصة مع اللحم مين يقرب يطيب انا ما نديرهمش
- مين يطيب اللحم إذا كان تاع دجاج ننحيه مالكوكوطة و نحطه في صحن يبرد شوية طبعا نصفيه مالصلصة و نحمره فالزيت لي راح نقلي فيه البطاطا و البادنجال
- نرابي الثوم و في مقلاة صغيرة ندير 2 مغارف كبار زيت و نقلي هذاك الثوم بلا ما نحرقه و نضيف عليه كروية على راس الملعقة تاع القهوة و نخلطهم و منبعد نضيفها للصلصة و نخليها تغلي شوية على نار هادية و ما تنسيش تذوقي الملح و طفي
- في مقلاة كبيرة شوية ندير زيت غزير يسخن مليح و النار تكون من متوسطة الى قوية يعني بيناتهم و نقلي البادنجان بعدما نكون درته يقطر في كسكاس كي يتحمر من جهة نقلبه على الجهة الأخرى و نحطه فوق ورق ماص نقلي كذلك البطاطا نقطعها دوائر ولا قطع صغيرة حسب الرغبة
شهية طيبة .
ليست هناك تعليقات:
إرسال تعليق