طريقة تحضير بريوش سهل ولذيذ وبدون زبدة وبيض 2020
طريقة تحضير بريوش سهل ولذيذ وبدون زبدة وبيض 2020
المقادير:
- 380غرام فرينة
- 250مل حليب دافيء
- 70مل زيت
- 60غرام من السكر
- نصف ملعقة كبيرة فاني
- ملعقة كبيرة خميرة الخبز
- 5غرام ملح
طريقة التحضير :
اولا نحط الخميرة مع الحليب الدافيء ونخليها تختمر من 10الى15د من جهة اخرى في جفنة -قصعة- نحط الفرينة والسكر والفاني والملح و نضيف كمية من الزيت نحرك ونجمع بخليط الحليب والخميرة لي خليناه يختمر حتى نتحصل على عجينة طرية اذا كانت تلتصق كثير بالايدي نضيف شوية من الفرينة هذا يرجع لنوعية الفرينة المستخدمة. نعجن العجينة حوالي 10د باليد واذا استخدمت العجانة حوالي5د فقط انا هذا المرة عجنت باليد لان ساهل وماياخذش وقت طويل في العجن. نغطي العجينة ونخليها تختمر في هذا الوقت نحضر المول لي راح نطيبوه فيه ممكن نستخدم اي شكل ندهن الجوانب بالزبدة وفي الاسفل نحط ورق الزبدة بعد ماتختمر ويتضاعف حجمها نخرج الهواء منها ونقسمه الى عدة كويرات انا عملت 12 كويرة ونحطهم بجانب بعض ونخلي شوية مسافة بين الكويرات ونغطيها ونخليها تختمر للمرة الثانية و ندهن البريوش بالحليب انا استخدمت الحليب السائل وضفت له شوية حليب بودرة حتى نتحصل على لون رائع ندخله لفرن مسخن مسبقا على 180لمدة 25د طبعا كل اخت والفرن لي عندها نشعل عليه من الاسفل وكي يطيب نعاود نشعل عليه من فوق و ننزعه من المول ونحطه يبرد ونرش عليه السكر الرطب .شهية طيبة للجميع .
ليست هناك تعليقات:
إرسال تعليق