طريقة تحضير قاطو الملفوف الشهي بمقادير اقتصادية (وصفة حلوى لملفوف لعيد 2020 )
المقادير:
مقادير العجينة :
- 400غ زبدة
- كاس سكر رطب
- 4بيضات
- 2خميرة
- فاني
- كيلو فرينة
- 9ملاعق كبار حليب سائل
مقاديرالحشو:
- 2كاس نواد كوكو
- كاس سكر رطب
- 4ملاعق كاكاو
- 4بياض بيض
- الماء
طريقة التحضير :
نحضر اولا الحشو نخلط النواد كوكو والسكر رطب والكاكاو ونرحيهم في الخلاط وهذا لتسهيل عملية بسطه على العجينة نحط في اناء ونضيف بياض البيض وكمية من الماء لازم الحشو يكون مطلوق شوية لتسهيل عملية بسط على العجينة من جهة نحضر العجينة نخلط الزبدة والسكر نخلط جيدا ثم نضيف صفارالبيض والحليب ثم الفاني والخميرة والفرينة نقسم العجينة على ثلاث او اربع كرات نستعمل النايليون نرش بشوية فرينة ونبسط العجينة بالحلال ويمكن نمسح الحلال بالفرينة لتسهيل بسط العملية ونرقها على قد ما نقدر كما هو موضح ثم نضع كمية لاباس بها من الحشو ونبسط على العجينة نبدا نلف العجينة غير بالعقل ونحسب 6لفات ونقطع نتحصل على حربوش كما في الشكل بعد ما نكمل العجينة نحط الحرابش في الثلاجة لتسهيل عملية القطع بعدها نقطعهم مربعات وندخلهم يطيبو في الفرن على درجة حرارة 180درجة لما يطيبو من الاسفل نشعل من فوق حتى ياخذو لون خفيف فقط بعد ما يبردو تماما نغطسهم في شكولة مذوبة على حمام مائي ونزينهم من فوق حسب الرغبة .شهية طيبة .
ليست هناك تعليقات:
إرسال تعليق