طبق غراتان كورجات بالمرقاز والفرماج الاقتصادي (غراتان الجريوات بالمرقاز 2020)
طبق غراتان كورجات بالمرقاز والفرماج الاقتصادي (غراتان الجريوات بالمرقاز 2020)
المقادير :
- الجريوات ( القرعة- كورجات)
- فرماج
- مرقاز (نقانق)
- بيشاميل
- حليب
- فرينة
- فلفل اسود
- ثوم
- ملح
- زنجبيل
- جوزة الطيب
- زبدة
طريقة التحضير :
خذي حبات نتاع الجريوات ( القرعة- كورجات) فرغيها من اللب نتاعها ثم اقليها مليح من كل الجهات ثم نحيها ومن بعد عمريها بالفرماج الطري وتكوني من قبل قليتي حبات مرقاز (نقانق) و زيدي حطيهم فوق الفرماج واعدلي الحبات نتاوعك في بلا نتاع الفور وفرغي عليه لابيشاميل اللي تكوني وجديتها من قبل انا نستعمل طريقتي ساهلة وما تاخذش وقت خلاص نحط كمية لحليب اللي محتاجتها نحط الفرينة حوالي خمس ملاعق كبار او أربعة على حساب الكمية فلفل اسود ثوم ملح زنجبيل رشة من جوزة الطيب فرماج طري ونخلط المكونات باردة ثم على النار مع التحريك المستمر حتى تثقال نحي من على النار ثم نضيفلها طرف زبدة صغير ونحرك وهنا أضفت كمية من المرقاز المقلي ومفتت فرغتها على لجريوات نتاعي وذرذري الفرماج المرحي ودخلتها الى الفور وشعلة عليها من فوق ومن تحت وخليتها تحمار .شهية طيبة للجميع
ليست هناك تعليقات:
إرسال تعليق